top of page

潮流興用 CBD oil, 對癌症病人有冇幫助?

Writer's picture: Dr. Cindy WongDr. Cindy Wong

時代唔同咗, 除咗要 update 最新嘅醫學資訊, 還要 update 市場最潮流嘅資訊! 經常被病人問五花八門的保健資料, 有時真係口啞啞, 與其講唔知, 不如用專業知識幫一幫大家 factcheck 埋一份, 一方面又幫到大家, 另一方面又學到嘢, 一舉兩得.

即使係醫生, 聽到 CBD 一開始都有種感覺以為係一般犯法嘅大麻, 但係病人又點會犯法呢? 首先, 大麻植物含有超過一百種大麻素,只有兩種最多人講! THC 以及 CBD, 而 THC 才是犯法的大麻素.

THC- Tetrahydrocannabinol (四氫大麻酚) 可以令人high high地, 好 relax, 會令人上癮! 美國亦有使用這些配方來幫癌症病人止嘔, 但THC 在香港是不合法的, 而且 THC 對比其他止嘔藥成效亦不是特別出眾, 所以香港亦無需要引入這類型的藥物幫助病人.

CBD- Cannabidiol (大麻二酚) 不會引致上癮, 不會有提神作用, 所以在香港使用是合法的! 有不同的初步數據顯示 CBD 可以刺激體內的大麻素受體(Cannabinoid receptors), 有機會平复情緒, 幫助減壓, 似乎有機會幫助壓力大的癌症病人放鬆心情, 但是是否真的有數據證明這個理論有效? 另外, CBD 有沒有跟其他抗癌治療有衝突? 而且 CBD oil 或者其他食品對癌症病人有沒有存在風險?

CBD醫學功效: 現在唯一FDA認可CBD的治療效果是用於癲癇治療藥物, 並沒有有力數據支持 CBD有任何抗癌效果, 亦未有有力數據證明 CBD 可以有效幫助癌症病人舒緩焦慮情緒.

CBD oil 有沒有機會同其他抗癌治療有衝突? 答案係唔知. 因為醫療數據欠奉! 如果病人在治療期間想試用 CBD oil, 便要緊密監測病人所有狀況以確保沒有額外不良反應.

CBD oil / 其他食品對癌症病人有沒有存在風險? 暫時沒有太多數據建議CBD的安全劑量, 一般都不建議孕婦、小兒、老人家及長期病患使用, 通常建議每天不超過60毫克, 如服用後出現不適便要立即停止使用. 由於癌症病人除了抗癌治療藥物外, 還有其他多種藥物輔助治療例如安眠藥, 血清素, 鎮靜劑等等, 所以要非常小心. 至於其他 CBD食品, 癌症病人便要注意食物標籤, 小心攝取過量糖份! 另外, 由於難以確定是否單純含有CBD成分, 如果當中有少量THC即屬違法 (因為提煉過程當中, 很難確保只是能抽取 CBD成分, 所以大家要非常小心)

總括而言, 純正 CBD oil 不屬違法, 適量分量應該對身體冇害, 有機會幫助病人 relax, 但要小心有沒有跟其他藥物或抗癌治療衝撞, 這些都是給大家的溫馨提示.


4 views0 comments

Recent Posts

See All

癌症病人的皮膚瑣碎事 (6)- 給癌症病人的護膚 Tips!

特別鳴謝: 皮膚科專科醫生Dr Steven Loo (盧景勳醫生) 無論是防曬用品, 護膚以及化妝產品, 盡量都需要使用避免含有已知的致癌物或會有機會影響荷爾蒙系統的化學物質, 例如防腐劑 Parabens, 仿雌激素成分 (Octinoxate, Oxybenzone,...

癌症病人的皮膚瑣碎事 (5): 癌症病人可否使用醫美療程?

特別鳴謝: 皮膚科專科醫生Dr Steven Loo (盧景勳醫生) 隨住醫學發展不斷進步, 癌症病人壽命不斷延長, 完成癌症治療後保持靚靚是非常重要的! 因為靚靚可以令女性病人更加自信, 心情更加好, 間接提升免疫力, 亦有機會增加抗癌功效! 所以, 在安全的情況下,...

Comentários


Never Miss a Post. Subscribe Now!

Thanks for submitting!

@ 2021 Dr. Cindy Wong & Anita

bottom of page